Tag
adat, karakter, Minangkabau, pengetahuan, rasa, Sejarah, tabiat, waktak
Perbedaan dasar antaro silek awak jo seni beladiri urang lain baitupun falsafah bamain alang-alang, agaknyo paninggalan-paninggalan budaya nan berbentuk non beda itu, lah bacarito panjang tantang kapribadian Minang tempo dulu. Sahinggo baunnyo semerbak sampai melintasi daerah perbatasan. Labiah jauh kito manampak seolah-olah lukisan tadi sangajo diabadikan sabagai contoh jo toladan kapado anak cucuknyo, kapado kita dan katurunan sunduik basunduik untuak manjadikan nyo landasan sikap dalam hidup bamasyarakat.
Namun kito manyadari bahwa nantik[nanti] disuatu maso urang indak lain ka manyukoi gaya bahasa klasik nan kurang komunikator. Mungkin isuak rumah gadang hanyo akan ditamui di Taman Mini Indonesia Indah atau di Kabun Bungo Bukittinggi,[1] jurus-jurus Silek Minang nan unik tingga sabagai gambar-gambar mati dalam carito komik. Dan kalau ado urang yang baminat manyusun karya tulis tantang Minangkabau, silahkan datang ke Perpustakaan Laiden di Eropah. Catatannyo tasimpan dideretan buku-buku tantang mesir kuno tantang kota Memphis dan Tebe nan tenggelam juo tantang binatang-binatang purba nan lah punah dari permukaan bumi.
Hilanglah nan ma nan kahilang biakan hanyuik nan tarapuang tapi roh adat mesti dipatahankan. Apabilo padam Kapribadian Minang badatanglah lonceng kamatian Minangkabau. tinggalah Sumatera Barat sebagai sarang nan pernah bapauni daulunyo. Dengan kato lain anak-anak kito isuak ndak berhak lain mendakwahkan diri sebagai Urang Minang, tapi Saya Anak Indonesia kelahiran Sumatera Bagian Barat.
Kenapa baitu?
Sabab hakikat Minang itu bukanlah hasil seni, bukanlah wilayah, dan bukan juo katurunan, inyo adalah yo tergantunglah pado generasi kito kini. Apokah tungkek estafet itu akan ditaruihkan atau akan dilipek sampai disiko.
Apo kito basadio manjadi angkatan pengkhianat nan menggelapkan amanah? Apo kito lah siap manarimo caci maki sumpah sarapah dibelakang hari? Apo kito relakan adat dikubua samantaro kito melestarikan kehidupan gajah, harimau sampai biawak sekalipun jawapannyo ado dalam dado kito surang-surang?
Angku-angku dunsanak pandanga pado kesempatan ceramah kini nangko, izinkanlah kami malanjuikkan mambaco bahaso-bahaso sandi dalam ujud kreatifitas urang Minang. Kito piliah nan taserak kito rangkai kemudian dikonfigurasikan manjadi suatu bentuk nan bisa dicaliak sacaro konkrit.
Adopun objek yang kami piliahkan iyolah Fungsi Surau Sebagai Sarana Pendidikan Formal dan Informal dan Latar Belakang Tradisi Marantau Bagi Urang Minang.
Nan baiaklah dek utang baansua mako lansai kato basabuik mako dapek akan kito masuak sajo kapado pokok perbincangan didulang sadalung lai pandulang ameh bangka ulu diulang saulang lai panyambuang kaset na daulu.
Bismillahirrahmanirrahim..
Sesuai dengan kodratnya laki-laki dilayiakan dengan bangun tubuah nan kuat kokoh dengan nyali keberanian nan tinggi dan bapikia labiah rasional dibandiangkan dengan kaum parampuan. Barangkali dengan sagalo kalabiahannyo itulah timbua naluri ingin mampimpin, mambarikan parlindungan kapado parampuan nan memang mambutuhkan.
__________________________________________________
Tulisan ini disalin dari blog dr. H.K. Suheimi dengan alamat http://suheimi.blogspot.com yang diterbitkan pada hari Jum’at tanggal 15 Juni 2007 pukul 09.49 . Silahkan klik alamat blog untuk menuju tulisan asli.
______________________________________________________
[1] Sekarang bernama Kebun Binatang Kinantan, sebelumnya dikenal dengan nama Taman Bundo Kanduang. Populer di kalangan orang Minangkabau dengan nama Kebun Bunga, hal ini merunut kepada sejarah pembuatannya. Didirikan pada tahun 1900 oleh Pemerintah Kolonial Belanda sebagai kebun bunga, pada tahun 1938 baru dibuat bangunan rumah gadang di dalamnya, dan setelah itu mulai didatangkan berbagai jenis hewan untuk diletakkan di sana.
kamang darussalam 